INDIA RAM ZALENNA LAWM

Get real time updates directly on you device, subscribe now.

India ram Independence Day vawi 75-na chu Champhaiah Khuallian TJ Lalnuntluanga, Law & Judicial, EF&CC, Transport leh Parliamentary Affairs changtu Minister hovin Champhai District Bawrhsap chenna tualah lawm a ni.
Khuallian hian hnam puanzar pawt pharhin Police contingent chibai bukna a chhanglet a, Ayushman Bharat Pradhan Mantri Jan Arogya Yojana kalpui tha Damdawi in hnenah chawimawina thuziak cheimawi a hlan bawk. He hunah hian Champhai DC Maria CT Zuali, SP Lalrinpuia Varte, Heads of Office-te leh sawm bik mi tlemte an tel.
Minister TJ Lalnuntluanga chuan India Independence Day pualin Champhai District mipui chibai a buk a. British awpbehna atanga India ramin zalenna a neih theih nana ram hruaitu hmasa leh martarte inpekna leh inhlanna chu fakawm a tih thu a sawi a.
Hripui leng karah sawrkarin mipui mamawh phuhru turin theihtawp a chhuah reng tih a sawi. Champhai District-ah insumdawn tawnna tichang tlung turin sawrkarin
theihtawpa hma a lak thu tarlangin, Land Custom Station Zokhawthar thuam thatna turin Scheme for Special Central Assistance to States hnuaiah Financial Year 2020-2021 chhungin Cheng Vaibelchhe 15 hmuh niin, hun reiloteah hna hi tan theih beisei a ni, a ti.
Environment Forest & Climate Change Minister ni bawk chuan, tui hna kang chat mai thei dinhmuna dingte thawmthat a nih theihna turin thingphun hna, scheme hrang hrangte mipui leh NGO-te tel theihna tur hawi zawnga ruahmanna siam a nih thu
sawiin, NEC Project- Afforestation of Denuded Hills in Champhai District kalpui mekah Mualzen Nursery-ah nakuma thingphunna turin ram hectare 369-a zau-ah hma lak mek a ni a. Zotlang khaw hluiah Botanical Garden din tura hma lak zel niin, bul tan nan View Tower, water storage tank, fencing, Interpretation Centre leh vehicle parking lodge-te kumin chhung hian thawh tuma hma lak mek a ni, a ti.
Transport Minister TJ Lalnuntluanga chuan, hripui leng avanga motor neite leh sumdawn nana motor hmang ten chhiah pek chungchanga harsatna nasa tak an tawh chu sawrkar chuan a hriatpui thu sawiin, Sawrkar laipui ruahmanna siam zulzuiin February ni 1, 2020 atanga September ni 30, 2021 chhunga motor document thite chu nungah (valid) pawmsak an ni a. Hemi hun chhung hian an motor document-te chu late fee chawi lovin tihnun sak an ni, a ti a. Mipui ten awlsam zawka Transport Department an dawr theihna turin Online Payment chu September, 2021 atanga hman tan theih tura ruahman a ni a. District hrang hranga motor nei ten Pollution Under Control Cer-mtificate chungchanga harsatna an tawh thin pawh District pariat (8) ah Pollution test-na khawl, Pollution Analyser mipui hman tangkai theih turin DTO office-ah dah fel tawh a ni, a ti bawk.
Power supply chungchanga Champhai District tihchangtlung nan sawrkarin 132 kV line, Khawzawl to Champhai inkar line thar thlung tura ruahmanna a kalpui mek thu a sawi a. Champhai District Hospital-ah Covid-19 enna khawl Truenat pakhat dang dah belh tura phalna neih a nih tawh thu leh, khawl chah thlen veleh bun fel tum a nih thu a sawi a. Dialysis leh ICU kalpui mek a nih tawh thu sawiin, Trauma Centre sak mek te, minute khata Oxygen litre 500 siam thei Oxygen Generating Plan changtlung leh lian zawk District Hospital-ah bun mek a nih thu a sawi bawk a. Champhai Nursing Hostel sa tan tura ruahmanna peihfel a ni a, Sub-Centre awmna hmunte Wellness Centre a hlankai tawh niin, hmabak khaw 5 te pawhnWellness Centre a hlankai tura hmalak mek a ni, a ti.
Law & Judicial Minister chuan, India rama hnuchhui kawnga mi thiam chungchuang 152 thlanchhuah zinga tel leh chawimawina dawngtu Sub-inspector VL Chama Ralte, Dungtlang Police Station OC chu a lawmpui thu a sawi a.
District Court-in kumin chhungin civil case 208 leh criminal case 256 an chin fel hman a, fine leh thil dang atangin sawrkar sum bawmah Rs. 14,87,000/- an chhung lut tih a tarlang a. Hripui do kawnga District Level Task Force, Village Level Task Force, Village Council leh tlawmngai pawlte inkara thawhhona tha tak awm chu fakawm tiin, hri dona kawnga an pen zelnaah duhsakna a hlan a. Mipui te chu hri laka fihlim turin midangte hlata awm fo tur te, kut silfai uar a, hmai tuam zawm zel turin a chah a ni.
Independence Day lawmna hunah hian AB PM-JAY kalpui tha Champhai District-a Damdawi in thlan chhuah, District Hospital Champhai leh Med-Aim Adventist Hospital-te hnenah khuallian hian chawimawina
thuziak cheimawi a hlan bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More