Champhai District Magistrate Maria CT Zuali chuan hripui leng mek karah inkhuahkhirhna kalpui mek chu thlah dul belhin, chawlhkar hnih chhunga Champhai District chhunga inkaihhruain tur thupek a chhuah.
Thupeka tarlan dan chuan, Champhai District chhungah Covid-19 hri chuan tlakhniam lam a la pan thei hrih lo va. Amaherawhchu eizawnna kawng hrang hranga thawktu ten harsatna an tawh loh nan fimkhur tak chunga inkhuahkhirhna kalpui chhunzawm a tul niin a lang a.
Chuvangin Champhai District chhunga inkhuahkhirhna dan hman mek chu ni 19.9.2021 atanga ni 2.10.2021 zanlai dar 12:00 thleng pawhsei a ni.
Inkaihhruaina hman meka thenkhat chu a hnuaia mi ang hian thlak danglam a ni :
1. Dawr zawng zawng nitin tlai dar 5:00 thleng hawn phal a ni.
2. Bazarpui pawh hawn phal a ni a, chawhmeh leh thil dang zuartu zawng zawngten face mask tha takin an vuah tur a ni a, sanitizer an inchhawp vek bawk tur a ni.
An pawisa dawn apiangte uluk taka sanitize thin tur a ni. Bazar-a inpho leh mipui tawt lutuka awm lo turin Marketing Officer in ruahmanna a siam ang.
3. Restaurant leh Thingpui dawrah a dawrtute, a hmunah ei leh in siam lovin Home delivery/take away-in la kalpui chhunzawm tur a ni.
Comments are closed.