Champhai District Bawrhsap Pi Maria CT Zuali chuan CCN Palai zawhna chhangin Champhai zawla leilet chu Sawrkar laipui remtih loh leh phalloh thil tihna atan nasa taka hman mek a ni tih thusawiin sumdawnna atan hman niin kudam lian tak tak sakna atan hman a ni a ti a.
Pi Maria CT Zuali chuan hripui leng leh vawk hri leng avangin ramrite khar a nih rualin ei leh barah kan intodelh loh zia alang nghal tih thu sawiin. Ei leh bara kan intodelh loh avangin ramri a buai apiangin kan huai thei lo a ti a. Ei leh bara Mizoram kan intodelh theihna turin hmalak a tul zia sawiin vanneihthlak takin Champhai zawl leilet hmun tha tak kan nei a. Kum 1994 atangin leilet hmun hi Sawrkar in thildang a hman phal lohna thupek a chhuah tawh a ni a ti. Buh leh thlai chin theihna turin Sawrkarin sum tam tak a seng tih sawiin the Mizoram Land Revenue Rules 2013 in WRC Agriculture atana pek chu thildang atana hman a rem loh thu sawiin he dan bawhchhia te chu Section 21 of the Mizoram Land Revenue Rules 2013 angin pawisa chawitir bakah pass cancel sak thlenga hrem tur an ni a ti a.
Sawrkar dan leh khawtlang dan zawmlo a hmala thinte chu hnam hmelma inunauna leh hmasawnna tluantling daltute an ni a ti bawk.
Comments are closed.