JAIL TANG TLANCHHUAK TE LA MAN LEH LO

Get real time updates directly on you device, subscribe now.

October ni 13-a Jail tang tlan chhuak mi 3 te chu vawiin thlengin man an la ni lo.

October ni 13 khan Thangsiankhaia, Thinglei, Myanmar, Zamlamsum, Thinglei Myanmar leh Thangkhawmuana, Darkhai Myanmar-te chu Champhai District jail atangin Court-ah hruai an ni a, Court-a an inlan zo, an chhuak hi an pathum hian an tlan chhuak a, um zui ni mah se, man hman an ni ta lo a, vawiin thlengin heng mi 3 te hi zawn zui an ni a, man an la ni lo.

Jail tang tlan chhuak pathum zinga mi 2 Thangsiankhaia leh Zamlamsum te hi Champhai Excise & narctics Dept-in August ni 18, 2022-a, Methaphetamine mum 50500 leh Heroin hawng 1 an man sak, ND&PS Act 22(c) leh 21 (b) hnuaia thubuai nei lai an ni a, Thangsiankhaia hi Khawzawl Police Station-a thubuai nei lai a ni bawk.

Thangkhawmuana, Darkhaikhua hi August ni 30-ah Heroin an man, ND&PS Act 22 (c) hnuaia thubuai nei lai a ni bawk. Jail tang tlanchhuak mi 3 te hi Foreigner Act hnuaia thubuai nei lai vek an ni a; Court-in an thubuai neihah hian thiam loh a chantir a nih chuan kum 10 atanga kum 20 chhung Lung in tang tura hrem tur te vek an ni.

Champhai Police te chuan heng Jail tang tlan chhuakte hi lo hmu emaw an awmna chin hria chuan Champhai Police station-a hriattir vat turin an ngen a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More