Jal Jeevan Mission leh Swatchh Bharat Mission chungchang zirho

Get real time updates directly on you device, subscribe now.

Nimin khan Champhai District chhunga khaw 10 leh Khawbung Block huam chhunga khaw 10 te tan Jal Jeevan Mission leh Swatchh Bharat Mission (G) chungchang training neih a ni.
He hun hi I&PR Conference Hall, Chanem-ah neih niin Julie C. Mawii, Coordinator SBM-G Champhai District chuan a kaihruai a. Er.J. Kapkima, EE, PHED leh Member Secretary SBM-G Champhai District chuan nikum lamah training hi neih a nih tawh tih tarlangin, JJM leh SBM-G in a tum ber chu thingtlang khaw hrang hrangah tui thianghlim hnianghnar taka an neih leh, thianghlimna kawngah hmalak a nih thu a sawi a ni. Er. Vanlalmuanawma, SDO Champhai Project Sub- Division chuan Jal Jeevan Mission, JJM chungchangah a lem nen zirtirna a pe a, JJM chuan khaw tin in tui thianghlim hnianghnar taka an neih theihna tura hma lak leh chhungkaw tinah tui thianghlim herhhaw a nih theihna tura hmalak chu a tum ber a nih thu a sawi a, chung tuite chu in tur atan te, ei rawngbawlna atan te, inbual leh insuk na atan te a thianghlim in a rintlak tur a ni a, he Mission hian mihring khawsakna leh inrelbawlna a tha lama sep kang dawrh tura beisei a nih thu a sawi.
Khaw tinah tui hniang hnar pek leh chhung tinte hnena tui connection pek tur a ni a, Zirna In, Sikul leh Anganwadi leh Health Sub-Centre ah te pawh tui thianghim pek tur a ni bawk a. Tui hna tihpunna atan hmalak leh ruahtui khawl te, JJM hma lakna tur duan leh a enkawl zui chungchanga VC leh khaw chhung mipui tam thei ang bera inrawlh tir te, JJM hmalakna leh sum leh pai vawn leh enkawl chungchangte he hunah hian zirtir an ni a. Kum 2024 hma in JJM in a thiltum te hi zawh hman tur a nih avangin khaw tinah chak taka hmalak mek a ni tih tarlan a ni bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More