Jazz Bike App Real or Fake | Complete Review
Chibai vek ule, tun tum ah chuan Jazz Bike hi ka review dawn a ni.
*Jazz Bike App chu enge ni?*
Jazz Bike hian an website emaw, app emaw atang hian mi tam tak in sum invest in darkar bituk a sum hlawh thei ni a tarlang in, member an zawng a ni. Chu chu member dang tur i zawng zel ang a, an lo join ve na sum kha i share tur a awm ve zel dawn tihna a nih chu.
An service pek dan tak ka sawi lang dawn lova, mahse an rintlak em tih erawh rawn tarlan ka tum ber a ni.
*Fraud URL chu* _https://client.jazzbike.in/………._
He inbumna thang ah hian tumah in awk buai lo tur in ka duh vang a ni.
*Jazz Bike app emaw, website emaw hi hman a him em?*
Him lo bur.
A chhan tam tak a awm thei.
* An website leh app te hi awlsam tak a siam an ni.
* Founder / Creator information hmuh tur a awm lo.
* Registration information engmah hmuh tur a awm lo.
* An profile leh structure pakhat te pawh a awm lo.
* Official Contact leh Information mumal hmuh tur a awm lo.
* Certificate leh proof ang a an phochhuah tam zawk hi a lem, verify theih loh a ni.
* Online review pawh a chhe hle a ni.
* Sum melh ringawt engmah ngaihtuah chiang lo te awlsam tak a bum thlukna a ni.
Rechargena pawisa an dil che hi an hlawkna mai mai tur a ni.
He inbumna hi thil thar a ni hran lova, hemi hma ah pawh hian Tesla Power Bank App, AIG, ACEbest App, Electric Creation App, Sun Factory App leh a dang dang te pawh a awm nual tawh.
Heng ho hian awlsam tak a pawisa hmu theih niawm tak in eng eng emaw an tarlar ve a, an bum te chuan sum tlem emaw tam emaw an pek khan tu te emaw hnen ah he service hi a tak ang a lan tir nan sum tlem te an pe chhuak ve leh a, tichuan tam tak in an lo awi a, an sum an khawhral ta thin a ni. Hetiang a service rawn siam tur te hian an web domain hi kumkhat bak an register lo tlangpui a, tin, China emaw, Nigeria lam emaw te hian an rawn ti tlangpui.
India ramchhungah hetiang a Money gambling hi khap tlat a ni a. *The Prize Chits and Money Circulation Schemes (Banning) Act, 1978* hian a phal lo bur a ni. Company pangngai tan hetiang hian service a siam theih loh bur a nih chu India ramchhungah chuan.
A tawp nan, he app emaw, website emaw atang hian lo inthiarfihlim la, hetiang ang app emaw, website emaw dang hi i lo hria sum invest tur che a an sawm che chuan hawisan hmak zel ang che.
– Vanlalruata Hnamte
Champhai, Mizoram
Comments are closed.