JUBILEE LAWM NAN THISEN PEK RUNPUI NEI

0

Get real time updates directly on you device, subscribe now.

Nimin khan Champhai Vengsang Branch YMA chuan an Planinum Jubilee pualin thisen an pe.
Thisen pek hmaa hun buatsaihah Lalthantluanga Tochhawng, Vengsang YMA Vice President chuan hri leng vangin Jubilee pualin thil lian tham tithei lo mah se, YMA thuvawn, tanpui ngaite tanpui tih bawhzuia thisen pe an nih thu a sawi a. Thisen pek hmanga Jubilee meichher an chhi thei chu lawmawm a tih thu a sawi bawk.
Dr. Krosnunpuii, District Hopital Blood Bank Officer chuan thisen pek pawimawh zia sawiin, thisen mamawh avanga natna khuma mu mekte tan damna thlentu an ni dawn tih a sawi a. Thisen aiawh emaw a tlukpui emaw siam chhuah a ni lo tih sawiin, thisen mamawhtute chu thisen chauh peka dam thei an nih avangin thisen pek hi kan intihhmuh zel a ngai a ni, a ti a. A mamawh apiangte hman tura tlawmngaia thisen petu Vengsang Branch YMA chungah lawmthu a sawi bawk a ni.
Champhai District Hospital Blood Bank hi Undivided Champhai District chhunga CHC, PHC leh Private Hospital te’n an la rin tawm vek avangin thisen mamawhna a sang hle a. Hri leng avangin kum khat chhung zet chu blood donation Camp neih hleihtheih a ni lo va, tlawmngai thisen petute zara la kal hram hram thei a ni. Jubilee pual hian Vengsang Branch YMA member mipa 26 leh Hmeichhia 4 te’n thisen pein Unit 30 an pe a. District Blood Bank-a thawkte chuan Vengsang YMA Hall-ah kal chilhin thisen hi an laksak a ni.
Vengsang Branch YMA hian Platinum Juibilee lungphun chu karleh Thawhtanni khian an hawng ang a, Jubilee puala Souvenir an buatsaih an tlangzarh dawn a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More