JUBILEE PUALIN THISEN PE

Get real time updates directly on you device, subscribe now.

YMA Day Vawi 86-na leh Silver
Jubilee denchhenin Champhai Vengthar Branch YMA te chuan a tlawmngaiin thisen an pe.
Thawhlehni khan Champhai Vengthar Branch YMA te hian an Branch kum 25 tlin, silver jubilee leh YMA Day vawi 86-na pualin a mamawh apiangte hman turin a thisen an pe a. Thisen pekna hun hi Vengthar Community Hall-ah hman niin, District Hospital Blood Bank-a thawkte chuan a hmunah kalchilhin thisen hi an lak sak a ni.
Champhai Vengthar Branch YMA hi kum 1996 khan ding tanin, kumin hi an kum 25-na a ni a. March ni 30 atanga April ni 1 chhung khan Silver Jubilee pual hian hun hlimawm tak hman a lo ni tawh a, tun tum Jubilee puala thisen an pek hi Jubilee lawm kharna a ni a ni. Vengthar Branch-ah hian member 500 chuang awm mekin Section 3 ah an inthen a. Thawhlehni khan thisen pe tur hian mi 50
chuang thawkchhuakin an zinga mi 28 ten thisen an pe a ni.
YMA Day vawi 86-na leh Vengthar Branch YMA Silver Jubilee puala thisen pek ah hian mipa 27 leh hmeichhia 1 te chuan thisen an pe a. Zan lamah Branch YMA huam chhunga zirlai titha, tun hnaia HSLC result chhuaka an venga Pawl 10 pass thar 24-te chawimawina hun an hmang chhunzawm leh bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More