Champhai District Transport Office ah July thla chhung khan lirthei 97 ziahluh thar a ni.
July thla chhung khan Champhai District Transport Office ah lirthei ke 2 nei chi ziahluh thar tam ber in, 77 ziah luh a ni a. Lirthei ke 4 nei te chi 12 ziahluh niin bungraw phur chi lirthei 7 ziah luh a ni a, Taxi 1 ziahluh a ni bawk.
Hriat theih chinah Champhai District Transport Office a lirthei ziahluh hnuhnungber hi MZ 04 A 7596 a ni. Hetihlai hian July thla chhung vek khan District Transport Office 9ah lirthei hrang hrang atangin chhiah Cheng 14,75,306 hmuh a ni a. Mihring phur chi lirthei atangin chhiah Cheng 66,600 hmuh a ni a, bungraw phur chi lirthei atangin chhiah Cheng 2,16,400 hmuh a ni a, kawng chhiah atangin Cheng nuaih 3,38,356 hmuh a ni a. MV Fee atangin Cheng 7,86,400 hmuh a ni a, Compounding Fee atangin Cheng 21,250 hmuh niin Parking Fee atangin Cheng 46,300 hmuh a ni bawk.
July thla chhung khan lirthei dan bawhchhia 187 man a ni.
Champhai Police Station hnuaia Traffic Cell te chuan, July thla chhung khan lirthei hrang hrang dan bawhchhia an man leh nual a. Lirthei dan bawhchhia an man zingah lirthei ke 2 nei chi man a tam ber a, 172 man a ni a; an pawisa chawi tlingkhawm hi Cheng 28,600 a ni. Lirthei ke 3 nei chi 9 man a ni bawk a, an pawisa chawi tlingkhawm hi Cheng 8,900 a ni a.
Lirthei ke 4 nei chi 6 man bawkin an pawisa chawi tlingkhawm hi Cheng 6,700 a ni bawk. July thla
chhunga Champhai Traffic Police te’n lirthei dan bawhchhia an man te pawisa chawi hi a vaiin Cheng
44,200 a ni.
Comments are closed.