KAN NEIH HLU BER CHU MIZO NIHNA HI A NI – REX ZARZOLIANA

Nizan hmasa atang khan Tlangsam Branch YMA te chuan an Branch dinchampha phak an lawm a, he-hun hi Rex Zarzoliana Vanchhawng, SP Champhai chuan khuallian niin a hman pui.

Khuallian Rex Zarzoliana Vanchhawng chuan thu sawiin, Y.MA chu Mizo nihna vawnghimtu pawimawh tak a nih avangin Mizo tawng hman kan uar deuh deuh a ngai a ni, a ti a. Kan neih hlu ber chu Mizo kan nihna hi a ni a, kan changkanna leh hmasawnnate hian kan Mizo na a than pel ang tih hi hlauhawm tak a ni. Changkanna leh Mizo kan nihna hi kalkawp tlat tur a ni, a ti a. Changkanna chu zirnaa  innghat a nih thu a sawi a, pawisa neih tam hi changkanna a ni ber loh thu leh changkanna  tluantling a thlen thei loh thu sawiin, mihring nun changkanna siamtu ber chu zirna a ni, a ti. Zirna kan uar poh leh chankanna kawng dik kan zawh dawn a. Dik taka kan thawhchhuah nena’nun ka hman hian kan hlim her a ni, a ti bawk.

Rex-a chuan Mizo nun tibuaitu ber chu zuk leh hmuam leh ruihhlo a nih thu sawiin, Zuk leh hmuam hian kan taksa tan tangkaina a nei lo va, kan taksa tichhetu leh pawisa khawhralna mai a ni a. Mizo thangtharte than duan tawh em emna chhan chu zuk leh hmuam laka fihlimngam nu tam tak kan neih tawh vang nia a hriat thusawiin, kan thlah leh zel turte leh Mizoram tan ruihlo leh zuk leh hmuam lakah kan fihlim a ngai a ni, a ti.

Hmeichhiaten kan tih theihsang ber chu mizo

hnam tana fa tha tak hrin a ni a. Mizo thangtharte an than duanna chhan chu  ruihtheihthilin a tihbuai loh nu tam tak kan neih tawh vang a ni, a ti a. YMA Member kalkhawmte chu Ruihhlo do kawnga Police tha tichak tura sawmin, Tiau kam depa awm khuate hi ruihhlo kalka ber kan ni a. Tunah kan chhungkua ruihhloin min tibuai lo mah se engtikniah emaw chuan kan chhungkua  min la run dawn avangin Mizorama lo lut tur do kawngah hian chhungtin kan tanrual a ngai a. Kan ram tan eng nge ka tih ve theih tih ngaihtuah chunga hun hmang turin YMA Member te chu a chah bawk.

He hun hi F Liantluanga, Branch President chuan kaihruaiin, Section hrang hrangte’n intihsiakna an nei a, nimin khan intihsiakna  chhunzawm lehin nizan khan an tiak ta ni.