March ni 21, 2022 zana Champhai
Kahrawt Veng Thlerpuia inkang tuarte tana Champhai Officers’ Club (COC) member-te atanga tanpuina thawh tlingkhawm, Rs. 1,20,000 chu kang tuar chhungkaw 9 te hnenah nimin tlai khan hlan a ni.
Hlanna Pu K.Lalbiakkunga In, Kahrawt Thlerpuia neihah hian COC President P.Lalhmingliana chuan, kangmei tuarte Champhai Officers’ Club in thinlung taka a tawrhpui thu a sawi a. Kangmei tuarte tana inphal taka tanpui duhna thinlung pu a pawisa thawhtute fakawm a tih thu sawiin, Champhai Officers’ Club chuan a thiltum, ‘Mipui rawngbawl sak’ tih chu vawng nungin, tanpui ngaite tanpui kawngah a penchhuak fo thin a ni, a ti. He hun hi COC Secretary Dr. Lallawmkima chuan a kaihruai a. Kang tuarte hnen atangin thusawi ngaihthlak a ni a. COC aiawhin R.Lalnunkimi, Treasurer leh
C.Lalthazuala, Asst. Secretary te an tel bawk.
Kum 1992 a din Champhai Officers’ Club-ah hian member 111 an awm mek a. Champhai Officers’ Club hian pawl member-te sum thawhkhawm hmangin mamawh leh tanpui ngaite puiin an lo fehchhuak fo tawh thin a ni.
Comments are closed.