KAWNG LAIH MEK BAWRHSAP IN ENDIK

Get real time updates directly on you device, subscribe now.

Champhai District chhunga hmasawnna ruhrel siam ten leilung, environment tichhe lo tura inkaihhruainate an zawm tha em tih enfiahtu, Champhai District Level Monitoring Committee member te chuan nimin chawhnu khan an Chairman James Lalrinchhana, District Bawrhsap hovin World Bank Road, Khankawn to Zokhawthar siam an tlawh a; environment tichhe zawnga hmalakna a awm em tih an enfiah a ni.
Kawng siam endikna hi Khankawn atanga neih tan a ni a. Kawng siamtu Company, Tarmat leh Sunshine Overseas hmalakna hrang hrangte endik niin, hmalakna ten leilung, thing leh mau bakah nungchate chennaah nghawng tha lo a thlen thei em tihte enfiah a ni a. Leivung paihna tura ruat, Spoil bank-a lo hman tawh thinte tlawha endik a ni a.
Tun dinhmunah World Bank Road siam nana lei laih a awm tawh rih loh avangin leivung paihna thinahte a duh duhin leivung an paih loh nan a tul anga hmalak ni se, an ti a. Khaw chhunga in hmun laih leh tul danga leivung chhuah a nih changa environment tichhe lova paih a nih theih nan hmun hnihah leivung paih theihna tur enfiah a ni a, a tul angte bawhzuia ram neitute biak ni se, an ti. Heng bakah hian khawchhak Tuipui lui hnar lam kuang leivungin a tihzimte chu company hotute chu a ranglama haifai tura hriattir an ni bawk.
District Level Monitoring Committee Chairman James Lalrinchhana hi Addl. DC Henry C.Lalrawnkima, CALA; Member Secretary & DFO Lalduhthlana; PIU PWD Sr. AE Hmingthanmawia; Official dangte, YMA Sub-Hqrs, VC leh Sunshine Overseas company hotu ten an tawiawm a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More