KAWNG NEKCHEP ZAWNGA HMALAK NATE ENDIK

Get real time updates directly on you device, subscribe now.

Road Protection Squad te chuan nimin khan Champhai khawpui chhung an endik chhunzawm leh.
Champhai District chhunga lirthei che vel leh mihring an him theihna tura Champhai District Magistrate-in September Ni 21, 2020 a thupek a lo chhuah tawh bawhzuiin, nimin khan Road Protection Squad Committee Champhai chu an Chairman Lalnunfela Chawngthu, SDM hovin an
thawk chhuak a. Champhai Kanan Venga kawngpui nekchep zawnga hmalaknate an endik a, dan palzut mante senghawi tura hriattirna pek an ni a. Lirthei a dahna hmun tura dah ni lo pathum manin, dan angin pawisa chawi tir an ni.
Road Protection Squad Committee Champhai chuan vantlang tana hnawk, kawngpui dipdal leh hnawk siamte hnenah a rang lama seng hawi tura hriattirna pein a tul angin hma a la thin a.
Nikum leh kumin chhung khan Champhai khawpui chhung hmun hrang hrangte fangkuala endik thin a ni. A remchan dan ang zelin veng hrang hrangte fangin, khawtlang hruaitute nen endik hna hi an kalpui chhunzawm zel dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More