Kawng siam thalo lai siam tha leh turin ti

Get real time updates directly on you device, subscribe now.

Nilaini leh Ningani khan Tuipuiral Group YMA hruaitute chuan Champhai leh Tuipui inkar kawng laih zau hna, SLT infracon Limited ten an thawh mek leh Dungtlang leh Farkawn inkar kawng, DVF road, BRTF enkawl mek, Bvya Construction Company-te’n Farkawn lam atanga siam that hna an thawh mekte chu an enfiah.
Tuipuiral Group YMA hruaitute hi PWD SDO, Champhai leh JE- te’n an tawiawm a. Tuipuiral Group YMA hruaitute chuan kawng tha tak neih a nih theihna tura theihtawp an chhuahnaah PWD SDO leh a thawhpuite chu lawmthu an hrilh a. SDO chuan, kawng siam mek laia motor lian tlan nasa lutuk chu a ngaihmawh thu a sawi a, Tuipuiral Group YMA chuan theihtawp lo chhuah an tum thu hruaitute hian an sawi ve bawk. DVF road an ennaah hian, BRO Champhai pawh kal vein, DVF road hi tha tak leh tlo taka thawh a nih theih nan theihtawp chhuah turin Tuipuiral Group YMA-te hian an ngen a. BRO bakah hian a Contractor Bavya Construction Company Manager pawh kawm nghal a ni a. Kawng siam an thawh tan tirh lam chu duhthu a sam lo deuh tih leh, theihtawpa thaa siam nawn leh turin an hrilh a, BRO hian Seal Coat ti nawn leh turin a hrilh bawk.
Tuipuiral Group hruaitute hian BRO lam leh Bavya construction hotute chu kawmin, thil tha titute chu theihtawpa tawiawm an tum thu leh, a tul huna puih an inhuam thu an sawi a; hna thawk tha lo an awm erawh chuan eng mah hlauh nei loa hma an lak zel tur thu an sawi bawk a. An hna thawh chhe laite chu thawk tha leh tura an ngen angin, thawh nawn leh an tum tih BRO leh Manager-te hian an sawi.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More