Champhai PWD chuan kawng siam that hna an thawk mek zel.
Champhai khawpui chhung kawng chhia siam that hna thawh mekah, November ni 30 atang khan PHE kawng, TT Road chu khawih tan a ni a, kawngpui chhe lai thawm that a nih bakah kawng zim lai te chu a theih ang ang a zauh a ni a, hei vang hian PHE kawng siam thatna tura pawisa dah chuan a daih lo maithei ni-a thudawn a ni. PHE kawng siam that hna hi tun kar chhung hian thawh zawh hman beisei niin, thawh zawh a nih hnuah Vengsang Biak In bul, LAD Office atanga bul tan lehin AH & Vety pisa kawng lamah, LM School thleng kawng siam that hna hi an thawk zui dawn niin thu dawn a ni.
Hetihlai hian nimin atang khan Vengthar atanga Zote panna kawng chu laih zauh hna thawh tan a ni a. Krismas thlengin lirthei eng chi mah tlan tlang theih a ni lo ang tih Vengthar VCP chuan a tarlang.
Lirthei tlan hun bithliah PHE kawng, TT Road siam that mek vangin tunkar zirtawpni thleng khian helai kawngah hian chawhma dar 10:00 – 12:00 inkar leh chhun dar 1:00 leh tlai dar 4:00 inkar chhungin lirthei eng chi mah tlan tlang phal a ni lo tih Addl. SP Champhai chuan thupek a chhuah
Comments are closed.