KAWNGPUI LAIH HNA THAWK THUAI DAWN

0

Get real time updates directly on you device, subscribe now.

NGO CC Champhai OB thukhawm chuan, Khankawn to Zokhawthar kawng siam meka la zawh loh, Changel kham chu hnathawktute nen a hmunah enfiah ni se, an ti.
NGO CC Champhai OB thukhawm chuan Zokhawthar kawng laih mek a, hna la zawh fel loh Changel kham leh Authangkhawk ruam re-enforce hna chu hnathawktu Engineer Champhaia a lo chhoh hunah a hmuna enpui ni se, tiin an rel a. Keilungliah tuikhuah chu 2022 March-a thawh zawh tur a nih avangin
Contractor te ngenna angin hnathawktu indaih lohna phuhru tura hnathawktu lo kalte khung hranna tur VC leh VLTF te nen ruahmman siamsak an ni tih an sawi a.
Fur chhunga hna a khaihlak lohna tura Cement Bag 2000 dahkhawlna tur zawn sak a nih tawh thu sawi lan a ni bawk.
National Highway contractor te khung hranna tur, an chenna tur leh office tur bakah Kudam tur enfel pui an ni tawh a. Khawzawla an inbunna tur pawh enfel pui a ni tawh a. Puilo atanga hna tan turte pawh khung hran
hun chhung a zawh tawh avangin hna an tan vat thei dawn nia an hriat thu he thutkhawmah hian tarlan a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More