Village Council inthlan chungchanga complaint awm vangin, karleh ni 10, Ningani khian DC Conference Hall-ah hemi chungchang hi ngaihtuahin an thukhawm dawn.
Kumin August ni 27, Village Council inthlanna neih zawh takah khan Champhai district chhunga khaw pathum- Khuangthing, Vaikhawtlang leh Zokhawthar-te chuan inthlanna neih dan chungchangah complaint an theh lut a. Hemi chungchang chhui chiang tur leh ngaihtuah tur hian Mizoram State Election Commission chuan Election Tribunal dinin, anni hian complaint hi zir chiangin, an chhuichiang mek a. Hemi chungchang ngaihtuahna leh thu inzawhfiahna hun chu karleh ni 10 (Ningani) khian DC Conference Hall-ah hman a ni dawn a. He hunah hian Complaint thehluttu khaw pathuma Returning Officer, Presiding Officer, Candidate Counting Agent, Counting Supervisor leh Counting Assistant, VC Candidate-te leh Complaint theh luttute chu inlan turin Lalnunfela Chawngthu, Election Tribunal, Champhai District Member Secretary chuan a hriattir a ni.
Heng khaw 3-a VC thlantlin te chu :-
Vaikhawtlang
- Chinzasiami, INC
- Nenglianlala, INC
- Lianzahnuna, INC
- Kapgomanga, INC
- HK Langmanga, MNF
Zokhawthar - Lalrinpianga, IND
- Zorampana, IND
- Thangsangpuii, IND
- Chawngthangpuii, MNF
- C.Zarzoliana, MNF
- Lalmuanpuia, MNF
- Lalnoa, INC
Khuangthing - Ngurhmingliana, ZPM
- F.Zothanpuia, ZPM
- Vanlallianzuala, MNF
- Lalkhamliana, INC
- K.Hmangaihzuali, IND
Comments are closed.