KHAW PAHNIHAH INZIRTIRNA PEK A NI

Get real time updates directly on you device, subscribe now.

India ramin zalenna hnuaia kum 75 chhung hmasawnna kawng a zawh chhoh mek lawmna chi khat atana ram pum huapa hmalakna, Azadi ka Amrit Mahotsav kalpui mekah Inrinni khan Champhai District chhung Hnahlan leh Khawbung-ah te Swachh Bharat Diwas hman a ni a, faina kawnga inzirtirna leh hnatlangpui, Swachhata Shramdaan neih a ni.
September ni 8, 2021 a Champhai District Water & Sanitation Mission thukhawm thurel bawhzuiin, faina kawnga inzirtirna hi District Water & Sanitation Mission member leh Official dangte chu team 2-a inthenin,
Hnahlan leh Khawbungah Swach Bharat Diwas hi an hmanpui a ni.
Hnanlanah chuan Hnahlan Community Hall-ah Lalremruata Cherput, VCP Hnahlan kaihhruai in hun hman a ni a. He hunah hian Project Director, DRDA; DAO, DHO, Honorary Wildlife Warden, Settlement Officer leh Veterinary Officer, Hnahlan-te hnen atangin faina kawnga inzirtirna lam hawi ngaihthlak a ni a. Vanlallawma Colney, JE, PHED Champhai Project Sub-Division-in lawmthu sawia hun a khar fel hnuah Swachhata Shramdaan, faina hnatlangpui chu khaw chhungah neih chhunzawm a ni.
Khawbungah chuan Swach Bharat Diwas hi Hlakungpui Mual-ah Er. C. Lalhmachhuana, SE, PHED kaihhruaiin hman a ni a. District Education Officer, EE, P&E; VCP Khawbung, DLAO leh CDPO, Champhai hnen atangin faina kawnga tulte inzirtirna thusawi ngaihthlak a ni a. K.Lalhlimpuia, BDO Khawbung chuan lawmthu sawia hun a khar hnuah faina hnatlangpui, Swachhata Shramdaan chu Hlakungpui mual leh a chheh vel tifaiin hnatlan a ni.
Swachh Bharat Diwas puala hun hmanah hian District Sanitation & Water Mission member-te, VC, NGO leh faina hnatlanga chhuakte an tel a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More