Thihna leh damlohna avanga buh seng thei lo chhungkaw thumte chu nimin khan Khawbung Branch YMA te’n hnatlangin buh an sengpui.
Kum tina an lo kalpui tawh angin mi harsa in saksak emaw, thlawhhma lama harsatna hrang hrang avanga hma la thei lote an puih thin angin, nimin khan thihna leh damlohna avanga buh seng thei lo, chhungkaw thum te chu Khawbung Branch YMA hnuaia M Section leh A Section te chuan hnatlangin buh an sengpui a; member 73 an thawk chhuak a ni.
Chhungkaw hnihte buh an seng sak hi K Section leh Y Section te’n hnatlang vekin Inrinni-ah an vuaksak leh dawn a. Chhungkaw khat chu buh vuak hmabâk niin, nimin khan an vuak zawhsak a, buh hi an phurh hawsak nghal vek bawk a. Buhseng hi ni 2/1 leka tlai pawhin seng harsa khawpa a ngui theih avangin a hun taka seng ngai a ni a. Nimin kha thlan thut ni leh Aizawl lama ruang phurh chhoh nghah mêk nei mah se, Khawbung Branch YMA-te chuan hnatlang hi an kaltlangpui a ni.
Comments are closed.