Get real time updates directly on you device, subscribe now.
Nimin khan Engineer-in-Chief, Lalmuankima Henry leh Chief Engineer-te chuan Tuipuiral tlang dunga kawngpui siam an enfiah. Tuipuiral tlangdung kawng – Champhai leh Khawbung inkar, SLT Infraco Pvt. Ltd. hna thawh te, Khuangthing leh Thekte inkar, PMGSY kawng laih leh Dungtlang leh Farkawn inkar, BRTF kawng siam te a hmunah kalin an enfiah a.
Chawhnu lam khan Dungtlang khawtlang hruaitute nen inkawm hona hun hmang bawkin, Dungtlang khawtlang hruaitute chuan an khaw bul siam mek chungchanga an thlen duhte thlenin, Dungtlang 7000 hmun hlui leh Lianchhiari Lunglen Tlang kalna kawng hmalak mek pawh an tlawhpui a. Pipu Sulhnu Humhalhtu Pawl-te’n hmun hluiah lo dawngsawng in, khawtlang hmasawnna tur thil tam tak an lo sawipui bawk.
Comments are closed.