Khawchhak lam a zinte atangin hri hmuhchhuah leh a ni

Get real time updates directly on you device, subscribe now.

Nimin khan Champhai district-ah hri kai mi 3 hmuh chhuah belh an ni a, hri vei enkawl dam mi 2 an chhuak thung.
Hri kai hmuhchhuah hi Zokhawthara Rapid Antigen Test hmanga hmuhchhuah vek niin,
hmeichhia kum 56 mi, Falam atanga rawn haw leh Zokhawthar tualchhunga mi nupa kum 24 leh kum 20 mi an ni a, an vai hian hri
an kaina chin hriat loh vek a ni a. Kum 56 mi hi taksaa natna lang chhuak a ni. 4-C Zokhawtharah dah luh nghal an ni.
Hetih lai hian nimin khan Covid Care Centre Champhaia hri kai enkawl hmeichhia pakhat leh 4-C Zokhawthara enkawl hmeichhe pakhat chu hri an kai tawh lo tih finfiah a nih hnuin enkawlna hmun atangin chhuah tir a ni thung.
Heti hian Champhai District chhunga hri kai hmuhchhuah chu 210 an tling tawh a, mi 201 te enkawl dam tawh niin enkawl dam zat hi niminpiah aiin a tla hniam hret a, za zela chhutin 95.71 a ni a; Hri kai enkawl mi 8 an la awm mek.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More