KHAWCHHAK TLANGDUNG FANG MEK

Get real time updates directly on you device, subscribe now.

Department hmunhma hrang hrangte enfiaha khawchhak tlang dung tlawh mek Ramdinliani, Director, Food Civil Supplies & Consumer Affairs (FCS&CA) Department chuan Inrinni khan Champhai District hmun hrang hrang a tlawh.
Director hian Champhai District Bawrhsap Maria CT Zuali, DCSO Spencer Vanlalchhuanga leh official dangte nen Kelkang, Khuangleng, Dungtlang, Bungzung leh Khawbung Supply Godown-te an tlawh a. Khawtlang hruaitute nen Godown dinhmunte enfiahin hmalak ngaihnate an sawiho nghal bawk.
Champhai district a tlawh hma hian Director hian CC Lalchhuangkima, Deputy Commissioner, Khawzawl District nen Legal Metrology Office hmun tura District Land Committee in a lo ruahman tawh Far mual, DC Rest House, Khawzawl hnuaia mi chu a hmunah an enfiah a, a hmun zau zawng an teh chhuak nghal a ni.
Legal Metrology Office hmun tur enfiahnaah hian Khawzawl Joint Village Council hruaitu te, Asst Controller, Legal Metrology, Junior Engineer leh FCS& CA Department official dangte an tel a. FCS&CA Director leh Khawzawl DC chuan
Khawzawl Kawnzara Supply Godown chu a hmunah an enfiah nghal a, tunah hian Buhfai chhekkhawl chu a awm tam tawk a. Supply Godown hi Buhfai Truck phurte awlsam zawka an buhfai phurh an hlan thlak theihna turin Godown hela Buhfai phur Truck kal theih dan tur ngaihtuah nghal a ni a. Truck kalna tur kawng siamna tur hi sum a ngaih hnem dawn avangin uluk zawka ngaih-tuahna sen a ngai dawn a, hotu sang zawkte nen ngaih-tuah that leh ni se, an ti.
Hemi hnu hian Khawzawl Hermon venga FCS&CA Department ram tlawh lehin, a hmunhma a that vangin Legal Metrology Office chu Khawzawl Hermon vengah hian sak mai ni se, an ti. DCSO Office leh Quarters pawh he ramah vek hian dah theih ni se; Department ram chhunga khawtlang
tangrualin Sikul an sak pawh uluk zawka la sawiho ni se, an ti. Khawzawl Hermon venga Department ram tlawhnaah hian Official-te hi Khawzawl Hermon VC ten aan tawiawm a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More