Champhai khawpui huam chhung hmun thenkhata kawngpui awm sate chu tihzauh leh siam that a ni dawn.
Champhai District Bawrhsap James Lalrinchhana chuan hriattirna tichhuakin, Champhai khaw chhung hmun thenkhata kawngpui awm sate chu siam that leh tih zauh tura hma lak mek a nih avangin, mimal ram eng emaw zat khawih a ngai dawn a. Heng kawngpui zauh hna thawhna tur huam chhunga hmunhma neite chuan hmun leh ram an nei ngei a ni tih tihchianna pass emaw, lehkha pawimawh (photo copy) chu a thehluhna tura ruat VC hnenah May ni 15, 2022 ral hmaa thehlut turin hriattir an ni.
Hetiang hian Champhai khaw chhung kawngpui thenkhat te siam that a ni ang. Chhangphut Field atanga Falkawn inkar kawng chu siam a ni ang a, Kahrawt VC hnenah document thehluh tur a ni ang.
Falkawn leh Hospital inkar pawh siam a ni dawn a, hemi inkara ram neite chuan Vengsang VC hnenah Document thehluh tur a ni a. Church of God Biak In leh Milukawr inkar pawh siam a ni dawn a, hemi kawnga ram nei te chuan Vengthlang VC hnenah Document thehluh tur a ni a. Milukawr atanga Nikang Kawr inkar pawh siam a nih dawn avangin, hemi
inkara ram nei te chuan Kahrawt VC hnenah Document thehluh tur a ni a. Nikang leh TT Road inkar a ram nei te chuan Vengsang VC hnenah Document thehluh tur a ni bawk ang.
Comments are closed.