Mizoram Sanitation Task Force (MSTF) hnuaia Mizoram khawpui fai inelna, 2020 buatsaih endiktu ‘Panel of Experts’ te chuan nimin khan Champhai khawpui fai dan an endik.
Khawpui fangkuala endik hnu hian Circuit House Conference Hall-ah faina kawnga hmalakna hrang hrangte inhrilhfiah niin, zawhna leh chhanna hun hman nghal a ni a. He hunah hian Vanlalchhuanliana, DUDO Champhai chuan faina kawnga
UD&PA Champhai hnathawh leh hmalakna hrang hrangte a tarlang a. Covid-19 hrileng karah sawrkar inkaihhruainate ngaipawimawh chung zela hmalak thin a niin, Covid-19 laka faina kawnga thawktute himna ngaihpawimawh zual bik a ni thin tih a sawi bawk.
Champhai khawpui chhungah
Community Toilet 23 siam a nih thu leh ODF Plus dinhmuna hlankai mai theih a ni tawh tih a sawi a. Septem-
ber Ni 21, 2020 atanga hman tan Champhai Solid Waste Management Bye Laws-2020 hmangin bawlhhlawh a hmun ni lova paihte hremna atangin Rs. 15,000 chuang hmuh a ni
tawh tih a tarlang bawk.
Champhai District Bawrhsap Maria CT Zuali’n endik tura lokal, Panel of
Expert-te thinlung taka Champhai district mipui te’n an lo lawm thu sawi a. Covid-19 hripui leng karah duh anga hmalak harsa rih mah se faina kawnga hmalaknate district khawtlang hruaitu, NGO, mipui leh Media te’n an thlawp tha hle a ni, a ti.
Panel of Expert member 4-te hian nimin chawhnu khan Khawzawl, Khawhai, Biate, North Vanlaiphai,
Darlawn leh Aizawlte endik turin Champhai an chhuahsan a. Ruahman dan chuan karleh khian la endik hmabak Mamit leh Kolasib District chhunga khawpui hrang hrangte an
endik leh dawn a ni.
Mizoram Khawpui Fai Inelna 2020 hi Category thuma kalpui niin, category-
I-ah district headquarters 11, category-II-ah khawpui (town) dang 12 leh category- III-ah Mizorama khawpui 23 te khaikhawm vek a ni.
Comments are closed.