KHAWPUI FAI NI TUR CHUAN MIPUIAH FAINA TUH ALA NGAI NASA

Get real time updates directly on you device, subscribe now.

Nimin khan Pi R. Lalnunkimi, District Urban Development Officer, chuan Champhaia chanchinbumite a Pisa-a lengah sawmin Faina kawnga mipui kaiharh turin thawhhopuiah a sawm.
Pi R.Lalnunkimi, DUDO chuan, Khawpui fai leh thianghlim siam tur chuan mipuiah faina tuh a la ngai nasa hle a ni, a ti a. A khaw neitute hian theihtawp kan chhuah a ngai a kan thawh ho that phawt chuan hei ai hian hma kan sawnlehzual dawn a ni, a ti. Pi R. Lalnunkimi chuan Champhai District chhunga faina kalpui a nih dan sawiin Veng tinah faina lam hawi banner tar tur pek chhuah tawh a ni a, Veng tinah faina kawnga sawrkar pui tur leh mipui zirtirtu tur Ambassador dah vek tawh an ni, a ti a. Motor nei inzawm khawm pawl hrang hrangte nen faina hnatlang huaihawt thin a nih thu a sawi bawk.
Bawlhhlawh tawih thei leh tawih thei lo thliar hrang tura hmalak mek a nih thu pawh sawiin veng thenkhatah chuan Ni 100 inhlawhna kal tlangin November thla chhungin Bawlhhlawh khur laih a ni dawn, a ti a. Sawrkar atanga Fund dang beisei lovin VC te nen tangkawpin beihpui thlak tum a nih thu a sawi bawk. DUDO chuan faina kawnga Champhai mipui kai harh turin Chanchinbu mite chu thawhpuiah a sawm a ni.
Lalhriatpuia, JE hnen atangin Swach Bharat Mission hnuaia hmalak dan hrang hrangte ngaihthlak a ni bawk a. Pu Hriatpuia chuan North East a khawpui fai lawmman dawng tawh Champhai chu thawhharh leh a hun tawh hle a ni, a ti. Chanchinbu mite hian faina kawnga hmalakna kawnga an duhkhawp loh lai leh hmalak zel dan tur te DUDO hi thurawn pein theihtawp chhuaha tan an lak tur thu an sawi bawk.

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More