YMA Sub Hqrs Champhai chuan Myanmar atanga Mizorama raltlan rawn lutte chu Relief Camp-a awm lo emaw, khawtlang hriatpui emawa awm lo te chu raltlana pawm loh ni se, an ti a. Hetihlai hian raltlan 1750 chuang Covid-19 hridanna hi pek an ni tawh bawk.
Inrinni-a YMA Sub-Hqrs. Champhai Executive Committee, an President F.Lalrinmuana hova thukhawm chuan, Myanmar atanga Mizoramar raltlan rawn lut te chu Relief Camp-ah emaw khawtlang hriatpui emawa awm lo te chu raltlana pawm loh ni se, an ti a. SYMA huam chhunga raltlan rawn lut te chu Sawrkar inkaihhruaina anga Covid 19 test vek turin an hriattir a. An awmna hmun emaw Relief Camp an chhuahsan dawnin emaw, an awmna Branch YMA te hriattir tur leh Relief Camp chhungah ruihhlo la lut lo turin an ngen bawk.
SYMA thukhawm hian Myanmar tualchhung buaina avanga sahimna zawnga Mizoram rawn tlanchhiate chu SYMA hruaitute leh Branch hrang hrangte nen Inrinni-a YMA Sub-Hqrs. Champhai Executive Committee, an President F.Lalrinmuana hova thukhawm chuan, Myanmar atanga Mizorama raltlan rawn lut te chu Relief Camp-ah emaw khawtlang hriatpui emawa awm lo te chu raltlana pawm loh ni se, an ti a. SYMA huam chhunga raltlan rawn lut te chu Sawrkar inkaihhruaina anga Covid 19 test vek turin an hriattir a. An awmna hmun emaw Relief Camp an chhuahsan dawnin emaw, an awmna Branch YMA te hriattir tur leh Relief Camp chhungah ruihhlo la lut lo turin an ngen bawk.
SYMA thukhawm hian Myanmar tualchhung buaina avanga sahimna zawnga Mizoram rawn tlanchhiate chu SYMA hruaitute leh Branch hrang hrangte nen inrawn chunga, a theih ang anga lo dawnsawn leh buaipui zel ni se, tiin an rel a. SYMA Champhai chuan Sample lakhawmtu te leh hridanna pe chhuaktute chu Pawisa fai Cheng Sang 5 ve ve pek ni se, tiin an rel bawk.
SEC thukhawm chuan YMA General Conference, Bilkhawthlira neih turah Agenda atan ‘Moral Education hi Elementary School Syllabus-ah telh a nih theih nan CYMA in hma la rawh se’ tih te; Kan ram chhungah thingphun uar tura Sawrkar nena tangduna hmalak ni rawh se’ tih te leh, Education Dept-a School sakna emaw thuam thatna emaw, sawrkar atang hmuh hi dik taka thawh a nih theih nan hmalak ni rawh se’ tih te chu theh luh ni se, tiin an rel a. YMA Dan bu siam that rawtna te sawiho a nih bakah SYMA Champhai hnuaia hruaitu hlun chawimawina dawng tura Branch hrang hrangte’n mi 9 an rawt chhuahte chu dilpui ni se, an ti bawk.
Hetihlai hian Covid 19 hridanna pek chhuah mekah, raltlan mi 1750 chuang hridanna pek an ni tawh a.
Chief Medical Officer Dr. R. Lianmawia chuan Myanmar atanga Mizorama raltlan rawn lut Vaccine la thei ang ang te chu pek zel an nih thu sawiin, vawiin thlengin hridanna hi raltlan mi 1750 chuang pek an ni tawh, a ti a. Adhaar Card leh ID nei lo mi 50 vel pek tawh niin, Champhai District chhungah PWI mi 1829 te hnenah hridanna hi pek an an ni tawh tih Champhai CMO chuan a sawi bawk.
Comments are closed.