KHAWVAWT KARAH RALTLAN TE RIAH BUK TUR SUALIN LA BUAI HLE

Get real time updates directly on you device, subscribe now.

Champhai District hmun sang zualah nizan hmasa khaw thiang leh vawt tharah vur tla hmuh tur la awm chhunzawm a, Zokhawthar leh a chheh velah raltlan awmna tur camp sak chhunzawmin khaw thenkhat an la buai hle.
Tun hnaia ruahsurin khaw awm dan tidanglamin Champhai District-ah chuan nizan hmasa khaw thiang leh khaw vawt avangin hmun sang lai vur tlak duhna hmunah vur tla hmuh tur a la awm mek zel a.
Tuipuiral tlangdungah chuan Khuangleng khaw chheh vel leh Vaphai rama Fiara tui bul phulah te vur tla hmur tur a awm leh a ni.
Hetih lai hian Myanmar lama Khawmawi leh Rihkhawdar bul vela Burma sipai chetlakna avanga raltlante awmna tur camp sain Zokhawthar leh a bulhnai khaw thenkhatah khawtlang mipui hnatlangin an la buai zui zel a. Nimin khan Bulfekzawl-a raltlante awmna tur, a dung feet 120 leh a vang feet 20-a zau chu a chung chih zovin a bang an ping zo khat a. Mutna tur khum, chhuat bawhtah hmanga tahin, nimin khan eng emaw zat zawh fel a ni bawk a. Bulfekzawl khawtlang chuan raltlan Camp sak nan hian ni 5 tha an seng tawh a.
Raltlante hian Sikul an luah avangin zirna lam a khaihlak lohna atan zawh vat tumin hnatlang an rim hle.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More