๐—ž๐—ต๐—ฎ๐˜„๐—น๐˜‡๐—ฎ๐˜„๐—น ๐—•๐—ฎ๐˜„๐—ฟ๐—ต๐˜€๐—ฎ๐—ฝ-๐—ถ๐—ป ๐—ฎ๐—ป ๐—ฑ๐—ถ๐—ป๐—ต๐—บ๐˜‚๐—ป ๐—ฝ๐—ฎ๐˜„๐—บ ๐˜๐—ต๐—ถ๐—ฎ๐—บ ๐˜๐˜‚๐—ฟ๐—ถ๐—ป ๐—ฐ๐—ต๐—ฎ๐—ต

Get real time updates directly on you device, subscribe now.

Khawzawl District Bawrhsap, Zothanmawia chuan Nilaini khan Kawlkulh leh Dulte khua tlawhin, National Highway No. 6 kawng laih dan tur duh lova heng khaw pahnih ten lungawi lohna an lantir mek chungchangah khawtlang hruaitute a kawm.
Khawzawl District Bawrhsap, Zothanmawia chuan National Highway No. 6 kawng laih dan tur Central lamin an tihfel tawh avangin
tunah chuan engmah tihdanglam theih a awm tawh lo tih a sawi a. Khaw pahnih khawtlang hruaitute chuan theihtawp chhuahin an duhdante an tilang tawh a.
Tunah hian tihdanglam theih a awm tawh loh avangin an dinhmun pawm thiam a, harsatna thlen thei zawnga hma la lo turin a ngen a. Thawm neih leh thuchhuah siamte pawhin awmzia a nei tawh lo tih sawiin, tunah hian ngen tur a awm tawh lo va, awmze nei lova boruak tihsosan a hlauhawm thu a sawi a. Kawng hi Central Sawrkar sum hmanga thawh tur a ni a, a laih dan tur pawh Central Sawrkar buaipui a ni a, kawng laih tur tha taka tawiawm hi khua leh tui kan nihna anga kan mawhphurhna a ni, a ti bawk.
Bawrhsap chuan, khawtlang hruaitute chuan sawrkar lakah beisei leh duh an nei a nih pawhin an thlensak thei reng a ni, a ti a. Media lama thuchhuah siam a intรขwng ang chi te pawh tihtawp a hun tawh a ni, a ti
bawk.
Khawzawl SP, PC Lalchunglura pawhin thu sawiin, lungawi lohna lantir mekah dan bawhchhiatna a thlen theih dan leh, dan bawhchhiatnain nghawng pawi tak a neih theih dante a sawifiah a. Additional DC Lalrohlua chuan khawtlang hruaitute hnenah Land Acquisition chungchanga hriattur
pawimawhte a hrilhfiah bawk.
Nilaini vek khan Khawzawl DC, SP leh Additional DC te chuan Puilo khua pawh tlawhin, khawtlang hruaitute nen an inkawmho bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More