NEC bultum Ecotourism chawilar leh tihhmasawn kawnga hmalakna kaltlangin tun thla October ni 13 atanga ni 16 chhung khan Meghalaya khawpui Shillong-ah Ecotourism Study Tour, Champhai DC Pi Maria CT
Zuali hova neih a ni.
He hunah hian Eco Tourism chawilar nana pawimawh tak Champhai District thalai mi 11 te hruaia hun hman a ni a, Pu Obed Lalmalsawma, SDC leh Pi K. Lalrinfimi, Women Welfare Officer (WWO) te an tel ve bawk.
Ecotourism Study Tour-in a tum ber chu khualzin hip thei tura hmunhma nei tha khaw thenkhat Mualkawi, Dungtlang, Samthang leh Vaphai ten mit ngei a Tourism chungchang a taka zirchianna an neih theihna tura ruahman ani a. Khualzin te tlawh thin leh ngainat hmun hrang hrang tlawh niin Tourism an kalpui dan zirchianna neih a ni bawk.
Study Tour chhung hian Pi R. Lalrodingi, Adviser, Banking & Industries, NEC hovin Tourism chungchang zirho ani bawk a. He huna tel thalai te chuan hlawkpui an in tiin zirlai tam tak an zir thu te a taka hman chhuah kawnga nasa taka puitu anih ngei an beisei thu an sawi bawk.
Hun hlawk tak hman anih hnu leh Aizawl a meeting pawimawh te a neih zawh hnuah nizan hmasa khan DC hian Champhai a rawn let leh a ni.
Comments are closed.