KRISMAS THILPEK ATAN THISEN PE

Get real time updates directly on you device, subscribe now.

Samthang Branch YMA chuan nimin khan Krismas pualin a mamawh apiangte hman turin thisen an pe.
Krismas puala thisen pek runpui BNRGSK In,Samthanga huaihawtah hian Champhai District Medical Superintendent Dr. Zatluanga, AVBD Champhai President ni bawk chuan, Samthang Branch YMA in thisen mamawh avanga natna khuma mu mekte nunna chhanna tura thisen an pe thei chu, YMA hi tanpuingaite tanpuitu a nih zia a lang chiang hle a ni, a ti a.
Thisen pek pawimawh zia sawiin, thisen mamawhte hi thisen chauh lo chuan an nunna chhan theih a ni lo va, a tlukpui emaw a aiawh tur emaw siam chhuah a la nih loh avangin thisen mamawh an awm chhung chu thisen pek reng a la ngai dawn a ni, a ti.
Damlo thisen mamawh ten a hun taka thisen an dawn theihna turin Blood Bank-ah thisen dahkhawlsa a awm reng a ngai tih sawiin, tlawmngaia thisen pek kawngah tan lak zel a
pawimawh tih a sawi bawk.
He hun hi PC Lalhlimpuia, Samthang Branch YMA President-in a kaihruai a, Samthang VCP Lalrintluanga pawhin thu a sawi a ni. Samthang Branch YMA hian thisen Unit 56 pein mipa 49 leh hmeichhia 7 in thisen an pe a. Champhai District Hospital Blood Bank-a thawk te’n an khuaah kalin thisen hi an laksak a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More