KUHVA CHIAH MAN ANIH AVANGIN BUNGRAW THENKHAT LAKLUH LEH PHUR CHHUAK TUR DANG

Get real time updates directly on you device, subscribe now.

Champhai District Lirthei Inzawmkhawm Pawl chuan tukin atangin Myanmar atanga Dan lova bungraw lak luh leh Champhai atanga chhuak tur an dang dawn a. Khawchhak atanga dan lova bungraw lut dang lo va, Kuhva chauh man a ni chu Champhai District mipui inrep char tumna leh itsiknaah an ngai tih an sawi.
Champhai District Lirthei Inzawmkhawm Pawl General. Assembly-in a lo rel tawh angin tukin dar 6:00 atangin Myanmar atanga dan lova bungraw lakluh leh Champhai atanga chhuak turte an dang dawn a. CDLIP hnuaia Association hrang hrangte chu anmahni huam chhungah Myanmar atanga dan lova bungraw lut tur dang hian an duty dawn a, Champhai atanga chhuak tur te Champhai Police Checkgate leh Dungtlang Police Checkgate bulah te an dang dawn.
CDLIP chuan Ramri kana insumdawn tawnna chu dan hnuaiah zalen takin kal se an duh ber tih sawiin, mumal
zawka bungrua lakluh a nih theihna tura hma la an nih thu leh, dan lova bungraw lut tur dan chu Police tha tichakah an inngai tih an sawi.
Dan lova bungraw lut zingah International Border trade awi nungtu Kuhva chauh mal mana tihtawp tum a ni chu, inthlei bikna leh Champhai District mipui inrep char tumna leh itsikna vang nia an ngaih thu an sawi a. Mipui nitin mamawhte chu dan lova lut vek a nih avangin dan dik taka kal theih a nih lohzia hria a, an harsatna tawh chu Mizoram mipui te’n an hriatthiampui an beisei tih an sawi bawk.
CDLIP chuan Champhai District chhunga MLA 3 te chu ramria insumdawn tawnna avanga malsawmna an dawn thina harsatna an tawh chungchangah mipui thlavang hauh a, huaisen taka ding ngam turin an phut a. International Border Trade an nih ang ngeia a zar an zo theihna turin Mizoram sorkar chu Central Sorkarah an harsatna thlena a tih tur tive turin an phut a. Dan lova thil tih, sumdawnna hi kan haw tak tak a nih chuan dan lova sumdawnna bungrua haltute chungah sawrkarin an phu tawk hremna pe ngei rawh se, an ti bawk.
CDLIP chuan Indo-Myanmar Border Trade chungchangah dan ang takin sumdawnna a kalpui theih loh tih hre reng chunga Political Party thenkhatin mipui rilru sukthlek kuai her thei zawnga hamthatna an lo zawng chu an duh loh thu leh hetianga ti tawh lo tura an phut thu an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More