Customs Preventive Force Champhai chuan Myanmar atanga kuhva lakluh an man hnuhnung ber chu April ni 26 kha niin bag 120, ₹ Nuai 22.20 hu a ni.
Sorkar kum liam ta (2021-2022) chhung khan Champhai Customs-a kuhva man thehluh zat chu bag 16,279; Kg 9,76,740 a ni a.
Customs rate anga a hlut zawng chu ₹ 32,70,25,400 hu a ni. Hei bakah hian ram dang cigaratte ₹ 28,20,68,800 hu an man bawk a. Thla hmasa khan ram dang cigaratte hi ₹ 3,72,74,000 hu an man tawh bawk. Kumin bikah§chuan January thla khan kuhva bag 120, ₹ Nuai 22.32 hu leh cigaratte ₹ Nuai
13 hu, February-ah kuhva bag 25 ₹ 4,67,500 hu leh March thlaah kuhva bag 102 ₹ Nuai 26.20 hu leh cigaratte ₹ Nuai 80.27 hu an man.
Customs Preventive Force Champhai chhinchhiah danin nikum April thla khan kuhva hi tum 31 an man a, kumin April thlaah erawh tum hnih chiah an la man thung a. Kumin hian Myanmar atangin Kuhva rah tawlh luh ruk a awm meuh lova hriat a ni a. Customs Preventive Force Champhai chuan tun hnaiah Kuhva rah ro hi Champhai atangin kawng rukah kalpui leh nia report an dawn thu an sawi a. Bungzung VC te chuan Bungzung leh Biate inkar kawngah Kuhva phur lirthei lian tlan khapna thupek an chhuah tawh a, Bungzung hi tun hnaia Kuhva ro phur lirthei tlan phal lohna thupek chhuah hmasa ber an ni.
Comments are closed.