Kuhva Rs. Vbc 11 chuang man hu man tawh

Get real time updates directly on you device, subscribe now.

Champhai District Customs Preventive Force chuan nikum leh kumin chhungin kuhva rah, dan lova phurh luh kg 436029 an man tawh.
Kuhva rah an man hlut zawng hi Rs. 118,284,774 (Cheng vaibelchhe 11, maktaduai 8, nuai 2 sing 8 sang 4 leh za 774) man hu a ni a. A tam ber chu Assam Rifles te nena tangkawpa man a ni. An man hnuhnun ber chu Pathianni zan (Dt 24th January 2021) kha a ni a. Assam Rifles te chuan Ruantlang kai atanga kuhva rawn phurh luh bag 24, Rs. 9,09,000 (Cheng nuai 9 leh sang 9) man hu vel niin nimin khan Customs kutah an hlan a, kuhva rah neitu erawh man an nei lo thung.
Kuhva rah hi Zokhawthar Border trade point atanga phurh luh a awm meuh lo niin Customs atanga thudawnna chuan a tarlang a. Kuminah dan anga lut a awm loh bakah dan lova lut man an nei lova, an man hnuhnun ber chu nikum December thla kha niin Rs. 4,15,500 man hu a ni a. Zokhawthar trade point ni lo, hmun dang atanga dan lova bungraw thiar luh manah hian meizial, ruihhlo (Methamphetamine Tablet 1,09,800; Rs. 5,49,00,000 man hu), rangkachak lem leh silai (Ak-53 pathum, Rs. nuai 10 leh sing 15000 man hu) te a tel bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More