CWC din tirh atanga kum khat chhungin Khawzawl District-ah thubuai 34 an ziak lut.
Ningani kha Khawzawl District Child Welfare Committee kumkhat tlinna a ni a, CWC kumkhat tlin lawmnaah hian CWC Chairperson PC Rosiama chuan CWC din tirh atanga kumkhat chhungin Case 34 lai ziahluh tur a awm chu pawi a tih thu leh, midang te tana thil tha tih tam tak an nei tel erawh lawmawm a tih thu a sawi a.
An hnathawhna leh hmalaknaah District Child Protection Office nen thawh hona tha tak an nei chu lawmawm a tih thu a sawi. He hunah hian DCPO aiawhin C. Lalhmingsangi, Protection Officer (Institutional Care) in thu sawiin, CWC te nen hmalakna tha tak an nei chu lawmawm a tih thu leh an hnathawh dan a lungawi thlak hlea a hriat thu a sawi a; CWC chu an kal zelna turah duh sakna a hlan a ni.
CWC-ah hian Chairperson bakah Member 4 an awm a, an kumkhat tlin lawmnaah hian Member mipa te tel kimin, hmeichhe lam erawh an tel thei lo va. CWC in kumkhat chhunga thubuai 34 an ziah luh te hi ruihtheih thila buai nu leh pa te kaihhnawih Case 15, hur sualna lam hawia naupang chunga chetna POCSO Case 8, naupang taksa tihnatna Case 4, retheih lutuk kaihhnawih Case 3, naupang awmpuitu tur kaihhnawih Case 1, naupang ruihhlo a tal buai Case 1, COVID in naupang a tihbuaina Case 1 leh naupang hremna (Corporal Punishment) Case 1 a ni.
Comments are closed.