KUM 1 HNUAH PAWH SAK ZAWH THEIH LOH RTPCR BUNNA TUR HMUN

Nikum October ni 12-a Champhai District Hospital-a hlan fel tawh, RTPCR khawl chu kum khat dawn a liam hnuah pawh hman theihin peihfel a la ni lo a. Nimina Champhai District NGO Coordination Committee thukhawm chuan, Champhai District Hospital-a RTPCR khawl hman theiha la peihfel loh chhan chu vawiin hian chhuichian ni se, an ti.

RTPCR khawl hi UNICEF in ICMR katlanga Champhai District Hospital tana a pek niin, nikum October ni 12 khan Champhai District Hospital phurh thlen a ni a.
Champhai District Hopsital phurh thlen a nih atanga thla 3-na January ni 18 atangin a dah lailawkna tura ruahman, Eye Ward-ah khawl bun hna hi thawh tan a ni a. Januanry ni 19-a kan palaiin a tlawh tumin hnathawktute chuan February thla ral hmaa hman theiha peih fel an inbeisei thu an lo sawi a. Hemi hnu hian thawktu zingah hri kai an awm avangin hna an thawk thei deuh lo reng a. Hna an thawh tan leh hnuah,. March thla tawp lam atanga pawisa an dawn tawh loh avangin vawiin thlengin hna hi an chhunzawm thei ta lo tih a thawktu Engineer-te chuan zawhna chhangin a sawi.
Hetihlai hian nimina. Champhai District NGO Co-ordination Committee Executive Committee. thukhawm chuan, Champhai. District Hospital-a RTPCR khawl hman theiha la peihfel loh chu chhui chian ni se, an ti. An Chairman, Lalnunmawia. hova thukhawm chuan,. Champhai District Hospital- a RTPCR khawl vawiin. thlenga hman theiha la peihfel loh chu Sorkar lamin hmalak vak dan an hre lo nia an hriat thu te, hnathawktu lamin sum lama harsatna an. tawh avanga hma la thei lo nia an insawite chu chhuichian ni. se, an ti a. Hei bakah hian Champhai District Hospital-a ICU, Cabin-a duty tur Staff indaih lohna awm chungchang te chu vawiin hian District Hospital thuneitute sawipui ni se, an ti bawk.
Nimina thukhawm chuan. National Highway No. 6. kawng laihin environment a tihchhiah dan te, kawng leh. hmanraw quality te enfiah ni se. Zokhawthar leh Khankawn inkara Lei chim dawhthat chungchanga tun thlenga. hmalakna awm chhunzawm lo chu chhuizui ni se, an ti bawk.
Hei bakah hian Champhai khawpui chhung kawng chhe lutuk te, New Champhai leh Zote inkar kawng chhe lutuk te chu a changtu Department hotute sawipui ni se, an ti bawk.