KUM 22 TLIN LEH MEDAL LAK LAWMNA HUN HMANG

Get real time updates directly on you device, subscribe now.

Champhai District Karate Association chuan Inrinni khan an kum 22 tlin lawmna leh 25th AMKA State Karate Championship 2022 khelh zawh taka an medal lak lawmna hun an hmang.
He hun hi Asiatico Vengthlangah hman niin, JH Nokapthanga, President chuan a kaihruai a. Khuallian H.Vanlalthanga Champhai Police Station OC chuan thu sawiin, hlawhtlinna an neih zelna tur chuan insum theihna leh taimakna an neih a ngai tih a sawi a. International thleng pawh a hlawhtling thei tura taimak chhuah sauh sauh turin a fuih a. Mizoram leh India ram tana mi chhuanawm ni turin an kal zelna turah duhsakna a hlan a ni.
Khual zahawm C.Lalbiakvela, New Champhai VCP bakah Champhai District Sports Committee, District Sports & Youth Department leh SYMA atangin thusawi ngaihthlak a ni bawk a; tlai ah chawhlui an kilho nghal.
State Karate Championship 2022 hi March 29 atanga April ni 1 chhungin khelh a ni a, Best fighter Female atan C. Lalruatsangi thlan a ni a, Championship a khelh apiangin Gold Medal a la ziah a ni. Tun tum Championship ah hian player 12 tel zinga 11 te’n medal an la a; Gold medal 3, Silver medal leh Bronze Medal 6 ve ve an la a ni.
March ni 15, 2000 ah Champhai District Karate Association hi din niin, International level ah Bronze 2 an la tawh a. National level ah Gold Medal 23, Silver medal 11 leh Bronze medal 13 an la tawh a; State Level-ah medal thahnem tak an la tawh bawk.

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More