KUM 3 CHHUNGA POLICE TEN HEROIN AN MAN TAM BER TUM TAWNG

0

Get real time updates directly on you device, subscribe now.

Champhai Police te chuan Heroin Rs. Nuai 31.5 hu an man.
Nimin zing dar 7:00 vel khan Champhai Police te chuan Champhai leh Aizawl inkar Maxi Cab Service, JSL Sumo Counter atanga chhuak atangin Heroin Hawng 58 an man a, a neitu erawh chu hriat a ni lo va. Maxi Cab khalhtuin a sawi danin mi tu tih a hriat lohin Satha ip var pakhat a motor-ah a hlang a, a neitu a zawn hmuh zawh loh avangin rinhlelh thil thuah Champhai Police-ah report-in Bag hi enfiah a ni a; Heroin hawng 58 hi an man ta a ni. Heroin neitu hi Champhai Police te chuan chhui zuiin an zawng mek a. Heroin hi tualchhung hralhnaa chhutin Rs. Nuai 29 hu a ni a; tun hnai kum 3 chhunga Champhai Police-te’n tum khata Heroin an man tam ber tum a ni.
Champhai Police te hian nizan hmasa dar 11:30 khan Champhai Police Check Gate, Chalbawiha Junction-ah Heroin Hawng 5 (Gram 137 a rit) chu Zokhawthar leh Aizawl inkar Service Maxi Cab pakhat atangin an man a. A neitua puh lirthei khalhtu Lalthangliana, Aizawl Salem veng nia insawi pawh man tel nghal ND&PS Act hnuiah thubuai siamsak a ni. Heroin man hlut zawng hi tualchhung hralhnaa chhutin Rs. Nuai 2 leh Sing 5 hu a ni a. Nizan hmasa leh nimin zinga Champhai Police te’n Heroin an man hi Hawng 63 niin, tualchhung hralhnaa chhutin Rs. Nuai 31 leh Sing 5 hu a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More