Kumin chhungin District Child Protection Office, Champhai ah thubuai 30 ziah luh a ni a.
Thubuai ziah luh zinga tam ber chu naupang kum tlinglo ruihhlo tawlha inhnam-hnawih tir thubuai a ni. Kumin chhungin Child Welfare Committee hnuaiah thubuai 16 an ziak lut tawh a, heng zinga a tam ber chu Nu leh pa-in ruihtheihthil an tih avanga naupang kum tling lovin harsatna an tawh thubuai niin, 5 ziah luh a ni a.
Hursualna lam hawi zawnga naupang khawih thubuai 2 leh naupang rilru lama buai thubuai 2 ziah luh a ni bawk. Juvenile Justice Board hnuaiah thubuai 14 ziah luh niin, thubuai ziah luh zinga tam ber chu naupang kum tling lo ruihhlo tawlha inhnamhnawih tir thubuai niin, thubuai 11 ziah luh a ni a. Rukruk thubuai 2 leh in hal thubuai pakhat ziah luh a ni bawk.
CWC thubuai 16 ziah luhte hi chinfel vek tawh niin, JJB hnuaia thubuai ziah luh 11 chingfel tawhin, case kal lai 3 a la awm mek bawk.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More