KUMINAH BUH THAR HNEM BEISEI

Get real time updates directly on you device, subscribe now.

Champhai leilet zawlah loneitute chuan buh an seng mek a, nikum aiin kuminah buh thar that zawk beisei a ni.
Kuminah fur ruahtui a tlak har avangin loneitu tam zawk chuan buh an phun har a. Ruahtui a la tlak chhunzawm avangin buh seng hi la tam lo mah se buh thar rang chi, ni 120-a hmin thei ching leh tuilakna nei tha, ruahtui tla harin a tihbuai lohte chuan buh hi an seng tan a. Thla thar khian a vanglai a nih rin a ni.
Champhai DAO Lalhmuchhuaka sawi danin kuminah Champhai leilet zawl atangin nikum aiin buhthar that beisei a ni. Nikum khan buh natna chi hrang hrang avangin loneitute chuan harsatna an tawk a. Kuminah heng
loneitute buh chi hi a danga thlak niin, nikuma an buaina ber buh kung tawih (stem rot) avanga harsatna nei in report an tam lo va. Fur ruahtui tla har mah se buh chinna atana mamawh khawp a tlak tho bawk avangin nikuma buh thar chu kumin hian khum theih beisei a ni.
Agriculture Dept hian buh natna vanga harsatna tawkte hnenah hian damdawi (fungicide) pe chhuakin, kuminah chuan Champhai leilet zawla loneitute aiin thingtlang lamah pek tur a tam zawk tih thawktute chuan an sawi a. Damdawi hi buh phun hunlaia an pek hnuah natna nei report a tam tawh lo va, hmun danga buh thar pawh natna avangin a tlakhniam nasat a rinawm lo tih an sawi bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More