Champhai South bialtu MLA, Law Minister TJ Lalnuntluanga chuan nimin khan Dilkawn, Kelkang, Mualkawi, Melbuk, Zokhawthar leh Zion Vengte tlawh lehin, VC thlan tharte lawmpuina thilpek a hlan.
Minister chuan, Ringtute kan innghahna ber chu Pathian thu a ni a. Ram leh khawtlang rawngbawl hna kan thawhnaah Bible hi kan innghahna tur a nih angin, ram siam that hna thawk tura Bible-a kan kir leh hi a pawimawh a ni, a ti a. Hei vang hian VC thar lawmpuina turah pawh thildang aia Bible chu thlang a nih thu a sawi a. Kan thlen chin atanga hmasawn turin kut tling loa sum lakluh duhna thinlung paih a, Pathian hriatpui tlaka thawh rah seng tumna rilru put a pawimawh tih sawiin, kan rilru sukthlek thlak danglam a, rilru dik put hi hmasawnna hmasa ber a ni, a ti bawk.
Ruahman lawk ang chuan Champhai South bialtu MLA hian vawiinah Mualveng, Ruantlang, Zotlang, Tlangsam, New Champhai, Venglai leh Vengtharte tlawhin, VC thlan tharte lawmpuina hun a hmang chhunzawm ang.
Comments are closed.