January ni 9 atanga chin hriat lova bo Lalhmachhuana chu vawiin thlengin hmuh ala ni lo.
Lalhmachhuana, kum 43 mi hi Myanmar atanga raltlan Champhai Kanan Venga mahni chhungte bela khawsa a ni a, January ni 9 Pathianni zinga a chhuak chu chin hriat lova bo zuiin ni 10 atanga a awmna veng Kanan Veng khawtlang hruaituten zawng tanin an hmuh mai loh avangin Kanan khawtlangin an zawng zui leh a, ni thum chhunga zawnhmuh anih loh avangin nimin piah khan Sub-Hqrs. YMA Champhai hmalaknain zawn zui leh ani a. Nimin khan branch 5 – Vengsang, Hmunhmeltha, Vengthlang North, North Khawbung leh Electric Veng te bo zawng hian an thawkchhuak a, vawiin hian a ni rukna atan zawn chhunzawm leh a ni ang.
Naktukah zawn hna hi thawh leh a ni anga Mizo danah ni sarih zawn hun a nih tawh avangin a nawlpuia zawn hi tih tawp tur a ni ang.
Comments are closed.