Lawrkhawm

𝗛𝗿𝗶 𝗸𝗮𝗶 4 𝗵𝗺𝘂𝗵 𝗯𝗲𝗹𝗵
Nimin khan Champhai-ah Covid-19 hri kai mi 4 hmuh belh leh an ni.
Nimina hri kai hmuh chhuahte hi hnam dang, mipa vek niin,Keilungliaha hna thawk an ni a.
Thla hmasa ni 30-a lo thleng tawh an ni a. Tun thla ni 10 khan an thiante zingah hri kai hmuh chhuah an awm avangin la khung hran chhunzawm zel an ni a. Nimin khan endik nawn leh niin, hri an kai tih hmuh chhuah a ni ta a ni. Heti hian Champhai district-ah hri kai hmuh chhuah mi 174 awm tawhin, hri kai

enkawl dam mi 127 an awm tawh a. Hri kai enkawl lai mi 47 an awm mek bawk.

𝗖𝗼𝘃𝗶𝗱 𝗩𝗮𝗰𝗰𝗶𝗻𝗲 𝗽𝗲
Nimin atang khan Champhaiah Kum 18 chunglamte hri danna pek an ni a. Sawrkarin ngaihpawimawh hmasak tura a tih te hnenah pek chhuah tan a ni.
Sawrkar thuchhuak angin nimin khan Chanchinbu mi, Chanchibu semtute leh Media lama thawktu te, LPG phurtu te, Petrol
Pump-a thawk te, Bawnghnute sem, P&E leh PHE Dept-a thawk te, Damdawi dawr nghaktu te, Bank hrang hranga thawk te, Ration semtu te, Post Office-a thawk te, FCI Kudam-a thawk te, Thlawhna Service-a thawkte leh VC Member leh YMA OB te pek
an ni a. Hri danna hi hmun 2 -Roseland School, Tlangrawtah leh Bethel Govt Middle School-ah te pek chhuah a a, kum 18-44 inkar
te pek an ni a. Zawhna chhangin CMO Dr. R Lianmawia chuan, Champhai District-a Kum 18-44 inkarte hri danna pek tur hi Dose 1070 a awm thu sawiin, Sawrkarin ngaihpawi-mawh hmasak tura a tihte pek hmasak phawt tur a nih thu leh, Hri danna pek tur Champhaiin a dawn dan a zirin Kum 18-44 inkar te hi pek chhunzawm an ni ang tih a sawi.

𝗔𝗦𝗙 𝘃𝗮𝗻𝗴𝗶𝗻 𝘃𝗮𝘄𝗸 29 𝘁𝗵𝗶𝗵 𝗯𝗲𝗹𝗵 𝗹𝗲𝗵
Ni 2 chhungin Zokhawtharah African Swine Fever vangin Vawk 29 a thih belh leh.
Dr. Lalrinhlui, Veterinary Officer hnen atanga thu dawn danin, Pathianni khan Zokhawtharah African Swine Fever vangin vawk 13 a thih belh leh a. Nimin khan Vawk 16 a thih belh leh bawk a, heti hian ASF vanga Zokhawthara Vawk thi hi 89 a tling tawh a ni.
DVO Dr. Zonghinga chuan ASF dan chah a nih theihna turin AH&Vety Dept-in theihtawp an
chhuah tih a sawi a, Champhai District chhunga ramri dep khaw hrang hrangah Bleaching Powder an sem bakah, Vawk vulhtute a hman dan an zirtir a. Vawk vulhtute chu an Vawk a him theihna tura theihtawp chhuaha a venhim hna thawk a, an
vawk In te damdawi hmanga sawngbawl tur leh, mi dang tlawh tir lo turin an hrilh tih a sawi bawk.