𝗟𝗔𝗪𝗥𝗞𝗛𝗔𝗪𝗠

𝗥𝘂𝗶𝗵𝗵𝗹𝗼 𝗺𝗮𝗻 𝗯𝗲𝗹𝗵
Nimin zing khan Champhai Police Check Gate, Chalbawiha Junction-ah Zokhawthar to Aizawl Maxi Cab service 1 atangin Heroin Gram 25 leh a neitua puh H. Vanlalrinsanga s/o H.Vanlalhluna, Zokhawthar khua nia insawi an man a. Ruihhlo an man hi tualchhung hralhnaa chhutin Rs. Nuai khat man vel a ni a, ruihhlo neitua puh hi ND&PS
Act hnuaiah thubuai siam sakin, nimin khan Champhai District Jail-ah dah luh nghal a ni. Tarlan tawh angin Champhai Police te hian
Thawhlehni khan Rs. Nuai 3.5 man vel ruihhlo an lo man tawh bawk.

𝗩𝗮𝘄𝗸 𝘁𝗵𝗶𝗵 𝗯𝗲𝗹𝗵
Mizoram hmun danga African Swine Fever lengin ziaawm lam a pan mek laiin, Zokhawtharah chuan ASF vanga vawk thi hi a la pung zel a. nimin khan Zokhaw-tharah hian vawk 19 thih belh leh. AH & Vety Dept chhinchhiah danin Zokhawthara vawk hri avanga Vawk thi hi 123 a tling tawh a;
Zokhawthara ASF a len atanga nimin thleng khan Vawk hri vangin nitin Vawk 12 thi ziah ang a ni.

𝗧𝗵𝘂𝗽𝗲𝗸 𝗰𝗵𝗵𝘂𝗮𝗵𝗖𝗼𝘃𝗶𝗱-19 𝗧𝗲𝘀𝘁 𝗻𝗲𝗶 𝘁𝘂𝗿𝘁𝗲 𝘁𝗮𝗻𝗮 𝗵𝗿𝗶𝗮𝘁𝘁𝗶𝗿𝗻𝗮 𝘁𝗵𝘂𝗽𝗲𝗸
Champhai District Magistrate, Maria CT Zuali chuan nimin khan hri kai leh kai loh hriatna tura Sample enfiahtir chungchanga
zawm tur thupek a chhuah.  Thupek chhuaha tarlan a nih dan chuan, sample enfiahtir tura
kalte chuan an kal lamah leh result an nghah chhugin emaw, in lam an panna kawngah emaw mi tumah an tlawhpawhin an hnaih tur a ni lo va, mahniin inah inkhung hran tur a ni.
Sample enfiahna hmun tur panna turin a bika ruahman lirthei chauh hman tur niin, lirthei khalhtute nen inhnaih lovin indaidanna an siam ngei ngei tur a ni.
Chhan hrang hrang vanga sample enfiah ngai emaw, enfiah hmabakte emaw chu an in test hma emaw test result negative tih a chian
hma emaw chuan midang tumah an hnaih lohna turin VLTF te’n uluk takin an vil tur a ni. He thupek zawm lote chu Rs 1,000 chawi
emaw thla 4 lung In tan emaw hmanga hrem theih an ni ang.