Lawrkhawm

𝗛𝗿𝗶 𝗸𝗮𝗶 𝗲𝗻𝗸𝗮𝘄𝗹 𝗱𝗮𝗺 29 𝗰𝗵𝗵𝘂𝗮𝗸
Inrinni khan Champhai-a Covid-19 hri kai enkawlna hmun atangin mi 28, enkawl dam ten enkawlna hmun an chhuahsan a, nimin khan enkawl dam pakhatin enkawlna hmun hi a chhuahsan leh bawk.
Inrinni-a enkawlna hmun chhuahsante hi mipa 16 leh hmeichhia 12, kum 2 atanga kum 68 inkar an ni a. Kumin chhunga Champhai bikah nikhat thil thua enkawl dam an tam ber tum a ni. Inrinni-a hri kai hmuhchhuah leh nimina hri kai hmuhchhuah nen Champhaiah hri kai hmuhchhuah chu 200 chuang an ni tawh a ni.

𝗔𝗦𝗙 𝘃𝗮𝗻𝗴𝗮 𝘃𝗮𝘄𝗸 𝘁𝗵𝗶
May ni 9 atanga African Swine Fever len tanna Zokhawtharah Inrinni khan vawk 7 a thih belh leh tih Dr. Lalrinhlui Veterinary Officer chuan a sawi a. Heti hian AH & Vety Dept Champhai chhinchhiah danin ASF vangin Zokhawtharah Vawk 154 a thi tawh.
African Swine Fever vanga nitin vawk thi zat AH&Vety Dept. in an chhinchhiah danin May ni 19 atang khan ASF hian ziaawm lam panin hri vanga vawk thi zat hi a tla hniam hret hret a. May ni 19 khan vawk 19 thiin, Ni 20-ah Vawk 13 a thi leh a, Ni 21 khan Vawk 11 thi leh Inrinni khan Vawk 7 a thih belh leh bawk.