LAWRKHAWM

ILP neilo endik
Pathianni khan Champhai Police te chuan Champhai Khawpui chhunga hnam dang ILP nei leh nei lo an endik a, ILP nei fello mi 6 manin anmahni Sponsor tute ngen angin ni 5 chhunga an ILP te tifel a, Police Station-a in endik tir leh turin hriattir an ni.

Thupek chhuah
Champhai DVO Dr. B Zonghinga chuan, Champhai District chhungah ram dang leh State dang atanga Vawk, Vawk sa leh Vawk sa atanga siam lakluh khapna thupek, District Bawrhsap-in a tih chhuah chu December ni 14 thleng kenkawh a ni dawn tih a sawi.
Champhai District chhungah erawh AH&Vety Dept-in Vawk hrisel ngei a ni tih an endikte chu phurh leh hralh phal reng a ni thung tih sawiin, tun dinhmunah Champhai District hi Vawkah kan intodelh viau niin a lang tih a sawi a. Hmun dang atanga dan lova Vawk kan lakluh hian, Vawk vulhtute economy pawhin a tuar let theih tih hriaa sawrkar thupek zawm hram hram turin District mipui a ngen a ni.

Zan Curfew
Champhai District Bawrhsapin thla hnih chhung hman turin Curfew a puan chhunzawm leh a, Curfew hun chhung hi darkar chanve in pawhsei a ni.
Covid-19 hripui leng chuan ziawm lam pan deuh tawh mah se he hripui lakah hian fimkhur zui zel a la tul a. Champhai District Magistrate Maria CT Zuali chuan, November ni 1 atanga hman tan turin Curfew a puan chhunzawm leh a. Curfew hi thupek hmasa aiin darkar chanve-in pawhsei niin, zan dar 9:00 atanga zing dar 4:00 thleng Cuffew puan a ni. District Magistrate in Curfew a puan thunpek hman zui tur hian, thupek chhuah a nih atanga thla 2 chhung a huam dawn a ni.