LAWRKHAWM

Get real time updates directly on you device, subscribe now.

LIBRARY TLAWH ZAT
October thla chhung khan District Library, Champhai-ah member 7 inziaklut thar an awm.
District Library hian October thla chhung khan tlawhtu 104 a nei a, member inziaklut thar puitling 7 awm bawkin, member awm zawng zawng hi 1987 an ni a, member awm zat atanga za zela chhutin October thla chhung khan member 5.23 te chuan Library hi an tlawh a ni. District Library ah hian lehkhabu hrang hrang – thawnthu bu leh zirlai chi hrang hrang a awm a, naupang chhiar tur thahnem tak awm bawk in lehkhabu 30,553 a awm mek.

VAWK VULHTUTE ZIRTIRNA PE
Vawiin hian Champhai District a Vawk vulhte tan training buatsaih a ni dawn.
Champhai District AH&Vety Department kaihhruaiin vawiin chawhma dar 11:00 hian Vety Department Training Hall-ah vawk vulh dan leh hri laka him theihna tura inzirtirna hun chu vawk vulhtute tan buaisaih a ni dawn a. Training-a tel tur hian Champhai leh a chheh vela vawk vulh-a tui zawng zawnge sawm an ni a, training zawhah Champhai District a Vawk Vulh Pawl hruaitu tur thlan nghal a ni ang.

NI 61 INHLAWHNA SIAM
Kum 2021-2022 Financial Year chhungin MGNREGA hnuaiah inhlawhna ni 61 siam a ni.
DRDA Champhai hmalakna, MGNREGA hnuaiah kumin September thla thlengin Job Card nei 17,503 te hnenah ni 61 inhlawhna siam a ni a. April 2017 atanga kalpui tan PMAY-G hnuaia mi 165 te hnenah insak tanpuina pek niin, In 146 chu sak zo tawh in, 19 sak zawh a la ni lo a. District chhunga PMKSY 7 kalpui zinga 2 zo fel tawh in 1 thawh mek chu zawhfel tep tawh a ni bawk a; pali dangte erawh chu tawpsan rih a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More