LAWRKHAWM

Get real time updates directly on you device, subscribe now.

Lirthei dinhmun
Kumin January thla chhung khan DTO Champhai office-ah lirthei 123 ziahluh belh a ni a. Chhiah chi hrang hrang atangin Rs. 15,41,080 lakluh a ni bawk.
January thla chhung khan DTO Champhai office-ah hian 2 wheeler 49, Car 17, Taxi 1, bungraw phur chi 47 leh Excavator (JCB) ziah luh a ni a. Hriat theih chinah lirthei number pek hnuhnung ber chu MZ04A/6935 a ni. Lirthei chhiah chi hrang hrang hi mirhing phur chi atangin Rs. 21,340 lakluh a ni a. Bungraw phur chi atangin Rs. 3,40,124; Road Tax Rs. 5,28,816; MV Fee atangin Rs. 6,02,000; compounding fine hi Rs. 3000 leh Parking Fee atangin Rs. 45,800 lakluh a ni bawk.

Lo hal hun
Champhai District Magistrate Maria CT Zuali chuan Lo hal turte chu March ni 15 hmaa lo hal vek turin a hriattir.
Champhai District Magistrate chuan District Level Fire Prevention Committee, Champhai District thukhawmin a lo rel tawh angin Lo, huan leh Leipui hal turte chu March ni 15 hmaa hal vek turin a hriattir a. Lo hal turte chu meilam tha taka siam tura hriattirin thupek zawm lo leh ngaipawimawh lo te chu dan angin an chungah hremna lekkawh a ni ang tih a tarlang bawk.

Naupang him nan
Champhai Bawrhsap Maria CT Zuali chuan, sawrkar duh dang anga ruihhlo laka kum tling lo naupangte ven him an nih theihna turin, hardware dawr leh dawr dang neitute chu kum tling lo naupang hnena Dendrite hralh chhuah kawnga fimkhur lehzual turin a ngen a.
Zirna in atanga metre 100 huam chhungah meizial leh vaihlo atanga thil siam reng reng zawrh khap a nih thu sawiin, zirna in tin thuneitute chu chutiang hriattirna chu zirna in bulah signboard chiang tak tar turin a hriattir bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More