Lawrkhawm

Get real time updates directly on you device, subscribe now.

Faina hnatlang nei
Vengsang Branch MHIP chuan Inrinni khan an veng chhung khawlaia bawlhhlawh tla an chhar fai bakah, kawr leh vantlang ram te an ti fai a, khawlai an phiat fai bawk. Vengsang MHIP chuan faina lamah veng chhung mipui tan la thar leh turin an sawm a. Mahni kawt kai leh mahni in zawna tui luan kawr theuh tlawmngaia ti fai thin turin an chah bawk a. Naupangte chu an thil eina kawr bawlhhlawh bawma paih zel tura zirtir uar thar turin nu leh pate an ngen bakah, veng dang mi, an veng chhunga kalte pawh faina vawn kawnga thawhpui turin an sawm bawk.

Raltlan tanpuina pe
Inrinni khan Champhai Buffalo huaihawtin Mizoram Enfield Riderte’n Farkawn leh Thekte-a raltlan awmte tanpuina an pe.
Mizoram Enfield Rider-te’n tanpuina hlan hun an hmannaah hian rider 40 vel an tel thei a. Champhai pawn lam atangin Vairengte leh Sihphir rider-te’n telpui a. Farkawn leh Thekte-a raltlante hi Buhfai, Alu, dal leh sum fai an pe a. Mizoram Enfield Rider-te hian Independence Day leh Republic Day-ahte charity ride an buatsaih thin bawk.
Inrinni khan Farkawn-ah raltlan an lo luh hmaa lo enfiahna tur Covid Screening Point tur chu YMA-te’n hnatlangin an sak-sak bawk a. Inrinni thleng khan Tuipuiral tlang dungah hian raltlan mi 991 an awm ni-a chhinchhiah a ni.

Zo khua thawm tha
Vaphai Thlangtlak mual hmuna Zo khuaa In sakte chu tunlai hian thawm that hna thawh mek a ni.
Helai hmun hi Cultural Centre atana cheibawl chhoh mek a ni a. Sorkar atang pawhin tanpuina thahnem tak dawng tawhin, Zawlbuk leh Lal In bakah, In dang pahnih sak a ni a; khaw dang atanga tlawhtu mi sing tel an riak tawh niin thu dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More