𝗟𝗔𝗪𝗥𝗞𝗛𝗔𝗪𝗠

𝗕𝗶𝗹𝗹 𝘁𝗵𝗲𝗶𝗵 𝗱𝗮𝘄𝗻
COVID19 hri kaite enkawlna tura sawrkar ruahman, CCC/DCHC/DCH-a awm MSHCS hnuaia inziak lut ten inenkawlna senso Rs. Nuai 2 thleng an bill theih thu nikum lamah order tihchhuah a ni a, sawrkarin a hriatpui CCCC a inenkawlte senso pawh a bill theih
tawh dawn a ni tih Health Minister Dr. R.Lalthangliana chuan a sawi.

𝗖𝗼𝘃𝗶𝗱-19 𝗩𝗮𝗰𝗰𝗶𝗻𝗲
Nimin khan Champhaiah Covid 19 hri danna Dose-1 na, Kum 45 chin chung lamte pek a ni.
Hri danna hi Govt Bethel Middle School-ah pek chhuah niin, kum 45 chin chunglam mi 76 te hnenah pek a ni a. Niminpiah khan kum 18-44 inkar zinga Sawrkarin a dawng hmasa tura a thlan te Covid 19 hri danna pek a ni a, mi
607 ten hri danna hi an la a ni.

CMO Office Champhai chhinchhiah danin Champhai District chhunga Health Care Worker mi 835 ten hri danna dose hnih an
la zo tawh a, mi 1083 ten dose 1-na an la tawh bawk a. Front Line Worker mi 1077 ten Dose 2 la zo tawhin mi 1,441 in dose 1-na an la tawh bawk a. Kum 45-60 inkar mi 18 in hri danna dose 2 la zo tawhin mi 10,744 in dose 1-na an la tawh a. Kum 60 chin chunglamah Dose 2-na la zo tawh mi 2521 awm tawhin mi 12,757 te’n dose 1-na a la tawh bawk a. Kum 18 leh Kum 44 inkar mi 607 in hri danna dose
1-na an la tawh bawk.
Champhai District chhungah mi 4,451 te hnenah hri danna dose 2 pek tawh niin mi 26,669 te hnenah dose 1-na pek a ni tawh bawk.