DFO Champhai Forest Division buatsaihin India ram zalenna kum 75 na lawmna Azadi Ka Amrit Mahotsav pualin Champhai High School-ah thlan bik zirlaite tan lem inziahsiak huaihawt niin nimin khan lawmman semna hun hman a ni.
Inelnaah hian Bethel Mission School, Einstein Higher Secondary School (High School section) leh Holy Mission School atangin zirlai 99 an tel a. Lem inziahsiakna atana thupui Sustainable Forest Management tih leh Wildlife and Biodiversity tih hmangin intihsiakna neih a ni a. Ramngawte awmze neia enkawl chungchang leh nungcha hrang hrangte humhalh kawnga kan hnamin kan mawhphurhna leh hmalakna tilang theite lem hmanga inziahsiak a ni.
Lawmman dawngtute chu :- 1st Prize : Lalhruaitluangi Class XII, Einstein Higher Secondary School (Rs. 3,000/- leh thuziak cheimawi); 2nd Prize : Lalremruati Calss X, Bethel Mission School (Rs. 2,000/- leh thuziak cheimawi); 3rd Prize : JH Zonuntluanga, Class X, Bethel Mission School (Rs. 1,000/- leh thuziak cheimawi).
Tin, heng bakah hian lemziak tha zual mi 10 hnenah Consolation Prize Rs. 200/- theuh pek an ni bawk.
Comments are closed.